Monday, February 19, 2018

மாடு படுத்துவிட்டால் எழுந்து நிற்க முடியாமல் படுத்தே இருக்கும்

பல சமயங்களில் கன்று போட்ட உடன் மாடு நன்றாக இருக்கும். கன்று போட்டு நான்கு ஐந்து நாட்கள் கழித்து மாடு படுத்துவிட்டால் எழுந்து நிற்க முடியாமல் படுத்தே இருக்கும். இடுப்பு பகுதி உணர்ச்சி குறைவாக இருக்கும். பால் காய்ச்சல் எனக்கருதி கால்சியம் குளுகோஸ் மருந்துகள் போட்டாலும் மாடு எழுந்து நிறகாது. ஆனால் தீவனம் தின்னும். இதற்கு காரணம் மாடு கன்று ஈனும்போது வழக்கத்தை விட இடுப்பு எலும்பு( hip joint) விரிவடைந்து விடுவதே. கன்றின் எடை 25 கிலோவிற்கு மேல் இருக்கும் மாடுகளில் இந்த குறைபாடு இருக்கும். மேலும் சத்து குறைபாடு; இடுப்பு பகுதி நரம்பு மற்றும் இரத்தக்குழாய் கசங்குதல் மற்றும் சவ்வு பிரச்சினை அனைத்தும் இருக்கும். இதற்கு நான் படத்தில் காட்டியபடி மாட்டை தூக்கி நிறுத்தி கட்டி அப்படியே 3__5 நாட்களுக்கு விடவேண்டும். நல்ல சத்தான ராகி கஞ்சி, தட்டு , இவற்றுடன் கால்சியம் வைட்டமின் திரவ டானிக் தரலாம். கூட நாயுருவி; அகத்தி மற்றும் முருங்கை இலை கண்டிப்பாக கொடுக்க வேண்டும். மேல்பூச்சாக நான் கூறும் சிகிச்சையை செய்யுங்கள். மாடு கண்டிப்பாக கசாப்புக்கு போகாது. பிரண்டை இரண்டுகிலோ ; கருவேலன் மரப்பட்டை அரை கிலோ எடுத்து நன்றாக உரலில் கூழ்பதத்தில் இடித்து எடுத்துக்கொண்டு இத்துடன் அரைகிலோ ராகிமாவு ; சலித்த புற்று மண் அல்லது களிமண் அரைகிலோ இவற்றை ஐந்து லிட்டர்தண்ணீரில் கலந்து சட்டியில் வைத்து அடுப்பில் கொதிக்க வைக்க வேண்டும். நன்கு கிண்டி கொதி நிலை வந்ததும் இறக்கி வைத்து இளம்சூட்டில் ஐந்து கோழி முட்டை வெள்ளை கருவை ஊற்றி கலந்து இந்த மருந்து கலவையை ஆறியபின் எடுத்து மாட்டின் இடுப்பு பகுதி கால் சப்பை மற்றும் முன் கால் சப்பைகளில் மொத்தமாக பூச வேண்டும். இதுபோல் மூன்று நாட்களுக்கு ஒருமுறை போட வேண்டும். எனது பத்தாண்டு அனுபவ ஆராய்ச்சி மருந்து இது. கிடையாக கிடந்த மாடு கூட எழுந்து நடக்கும். கூட முருங்கை இலை அகத்தி உள்ளே கொடுங்கள். கண்டிப்பாக மாடு நடக்கும். இழந்த பால் திரும்பும். முடிந்தவரை ஷேர் செய்யுங்கள். என்னுடைய இந்த சிறிய முயற்சிக்கு படித்த விவசாயம் செய்வோர் ஆதரவு தாருங்கள். கால்நடை சிகிச்சையில் புது புரட்சி செய்வோம். - copy paste

Sunday, April 2, 2017

தோல் சம்பந்தப்பட்ட வியாதிகளுக்கு

தோல் சம்பந்தப்பட்ட வியாதிகளுக்கு
அனைத்து சகோதரர்களுக்கும் ஆத்ம நமஸ்காரம்

தோல் சம்பந்தப்பட்ட வியாதிக்கு சிவனார் வேம்பு குழித்தைலமும் சிவனார் வேம்பு சூரணமும் மிக மிக நல்ல பலனை கொடுக்கும்
சிவனார் வேம்பு மூலிகை சமூலமாக தேவையான அளவு எடுத்து நிழலில்
காயவைத்து அதே அளவு வாலுளுவை அரிசி எடுத்து பொடி செய்து கொல்லன்
கோவைக் கிழங்கு சாற்றால் அரைத்து காய வைத்து குழித்தைலமாக இறக்கி வைத்துக் கொள்ளவும்
இத்தைலத்தை பத்து சொட்டு அளவு பனை
வெல்லம் அல்லது வாழைப்பழத்தில் வைத்து சாப்பிட்டு அதே தைலத்தை வெளி
பூச்சாக போட்டு வர குஷ்டம் முதல் அனைத்து தோல் சம்பந்தப்பட்ட வியாதி
களும் தீரும்
இம்மருந்தை சென்னை லயோலா கல்லூரி ஆராய்ச்சி செய்து வெற்றி கண்ட மருந்து
மேலும் படத்தில் உள்ள கொல்லன் கோவைக் கிழங்கை மாட்டுத் தொழுவத்தில் பாம்புகள் வராமல் இருப்பதற்கும்
வீடுகள் மற்றும் கடையின் முன்பகுதியில் கட்டி தொங்கவிட்டு கண்திருஷ்டி கழிந்து
வியாபாரம் பெருகவும் இன்றும் பயன் படுத்தி வருகின்றனர்
இன்னும் தோல் சம்மந்தபட்ட நோய்களுக்கு
அதிக மருத்துவங்ஙள் உள்ளன
அடுத்தடுத்து பார்ப்போம்
பிரம்மஸ்ரீ கோவிந்தன்
சுவாமி சிவானந்தா சித்த வைத்திய சாலை
மம்சாபுரம் கிராமம்
ஸ்ரீவில்லிபுத்தூர் தாலுகா
விருதுநகர் மாவட்டம
கைபேசி 9345168097
கருடன் கிழங்கு என்னும்
கொல்லன் கோவைக் கிழங்கு மூலிகை

ஆடாதொடா

:

ஆடாதொடா இலையை நன்றாக அரைத்து சாப்பிட்டு வந்தால் ஆஸ்துமா குணமாகும்.

ஆடாதொடா இலையை அரைத்து சாறு எடுத்து அதில் தேன் கலந்து குடித்தால் இருமல் மற்றும் சளியுடன் ரத்தம் வெளியேறுவது நிற்கும்.
ஆடாதொடா இலையை கஷாயம் வைத்து குடித்தால் உடல் குடைச்சல் குணமாகும்.
 

ஆடாதொடா இலையை பொடி செய்து தேன் கலந்து சாப்பிட்டால் ரத்தக்கொதிப்பு தீரும்
 

ஆடாதொடா இலையை பொடி செய்து சாப்பிட்டால் இருமல் குணமாகும்.
 

ஆடாதொடா இலையை உலரவைத்து , சுருட்டி புகைப் பிடித்தால் இரைப்பு நோய் குணமாகும்.
 

ஆடாதொடா பூவை வதக்கி கண்கள் மீது வைத்து கட்டிக்கொண்டால் கண் நோய்கள் குணமாகும்.
 

ஆடாதொடா வேரை கஷாயம் வைத்து குடித்தால் அனைத்துவிதமான உடல் வலிகளும் குணமாகும்.

ஊமத்தை:


ஊமத்தை இலையைஅ விளக்கெண்ணெய் சேர்த்து வதக்கி கட்டினால் நாய்க்கடியால் ஏற்பட்ட புண், குழிப் புண் கட்டிகள் போன்றவை விரைவில் ஆறும்.

ஊமத்தை இலையுடன் மருதாணி இலையை சேர்த்து அரைத்து சேற்று புண்களில் தடவினால் விரைவில் அவை ஆறிவிடும்.

ஊமத்தை இலையை சூடுபடுத்தி ஒத்தடம் கொடுத்தால் கீல் வாயு எலும்பு வீக்கம் கட்டிகளால் உண்டாகும் வலி ஆகியவை தீரும்.

ஊமத்தை இலையை வதக்கி மார்பகங்களில் ஒத்தடம் கொடுத்தால் அதிகப்படியான பால் சுரப்பு குறையும்.

ஊமத்தை விதையை பசு நெய்யில் வறுத்து அரைத்து மூலத்தின் மூளையில் பூசிவந்தால் அது விரைவில் அதிர்ந்துவிடும் மூலமும் குணமாகும்.

கல்யாணமுருங்கை கீரையின் பயன்கள்

கல்யாணமுருங்கைக் கீரை சீரகம் இரண்டையும் நெல்லிச் சாறு சேர்த்து அரைத்து தினமும் அதிகாலையில் சாப்பிட்டால் ரத்த அழுத்தம் குணமாகும். கல்யாணமுருங்கைக் கீரையுடன் ஊறவைத்த வெந்தயத்தை ஒரு ஸ்பூன் சேர்த்து அரைத்து சாப்பிட்டால் உடல் சூடு தணியும்.

கல்யாணமுருங்கை கீரையுடன் மிளகு 3 சேர்த்து அரைத்து, அதிகாலையில் சாப்பிட்டால் சளி மற்றும் கப நோய்கள் குணமாகும்.

கல்யாணமுருங்கை கீரயுடன் பார்லியை சேர்த்து அரைத்து கஷாயம் வைத்து குடித்தால் சிறுநீர் எரிச்சல் குறையும்.

கல்யாணமுருங்கை கீரையுடன் ஓமம் வாஉவிளங்கம் இரண்டையும் சேர்த்து அரைத்து இரவில் சாப்பிட்டு வந்தால் மலச்சிக்கல் குணமாகும்.

கல்யாணமுருங்கைக் கீரையை கறுப்பு எள் ஊறவைத்து தண்னீரில் அரைத்து , காலை , மாலை இருவேளையும் சாப்பிட்டால் தடைபட்ட/ தாமதித்த மாதவிலக்கு சீராகும்

கல்யாணமுருங்கை கீரை, கசகசா உளுந்து ஆகியவற்றை மாதுளம் பழச் சாறு சேர்த்து அரைத்து தினமும் சாப்பிட்டால் ஆண்மை பெருகும்..

Contact:
Dr. Arun Chinniah MD (Naturopathy) Ph.D (Herbal)

தாய்மார்களுக்கு பால் அதிகம் சுரக்க

பிரசவித்த தாய்மார்களுக்கு பால் அதிகம் சுரக்க மருத்துவம்:
தயாரித்த மருந்து:

1. தண்ணீர் விட்டான் கிழங்கு நெய்-1 தேக்கரண்டி தினம் மூன்று வேளை கொடுக்கவும்.
 

2. அமுக்கரா இளகம்-5 கிராம் தினம் இரு வேளை ¼ டம்ளர் பாலுடன் சேர்த்து கொடுக்கவும்.

கைப்பக்குவ மருந்து:
1. பால் அதிகம் சேர்த்து கொள்ளல்.
2. பூண்டு அதிகம் உணவில் சேர்த்தல்.
3. கரும்பு சாறு 200 மிலி தினம் ஒரு வேளை கொடுத்தல்.
4. உணவில் பால் மற்றும் பால் பொருட்கள் அதிகம் சேர்த்து கொள்ளல்.
5. பருத்தி பால் பாயசம் சேர்த்து கொள்ளல்.
6. நேந்திரம் பழம் தாராளமாக சேர்த்து கொள்ளல்.

எள்ளு அதன் பயன்கள்:


எள்ளு செடியின் இலைகளை தண்ணீரில் போட்டு அலசினால் பசைபோன்ற திரவம் மிதக்கும். இதனால் கண்களைக் கழுவினால் கண்களில் உண்டாகும் புண்கள் குணமாகும்.

எள்ளு செடியின் இலைகளை கஷாயம் வைத்து குடித்தால் சீத கழிச்சல் குணமாகும்.

எள்ளு செடியின் இலைகளை வதக்கி கட்டிகள் மீது வைத்துக்கட்டினால் அவை விரைவில் பழுத்து உடையும்.

எள்ளுக்காயை சுட்டு சாம்பலாக்கி அதை புண்கள் மீது தூவிவந்தால் அவை விரைவில் ஆறிவிடும்.

எள்ளை தண்ணீரில் போட்டு ஊறவைத்து மறுநாள் காலையில் தண்ணீரை குடித்துவந்தால் மாதவிலக்கு கோளாறுகள் தீரும்.

எள்ளை அரைத்து சுண்டைக்காய் அளவு தினமும் சாப்பிட்டுவந்தால் ரத்த மூல குணமாகும்.

Contact:
Dr. Arun Chinniah MD (Naturopathy) Ph.D (Herbal)